حال الأسرة السعودية في يوم الأربعاء

من طرف **الأمل القادم** الأحد يونيو 05, 2011 5:12 am

حال الأسرة السعودية في يوم الاربعاء

بالبداية نص رسايل جوالك من العصر : جب خبز .. جب زبده .. جب دريم ويب .. جب وجب

وبعد المغرب ينقلب البيت استاد الملك فهد
بزارين فوق الثلاجة
بزارين تحت السيارة
ستة يلعبون كوره وكل ما كسروا لمبه صاحووااا .. قزاز .. قزاز .. البسوا نعال
بزارين توهم يمشون كنهم بطاريق تلقاهم في كل مكان .. وكل شوي فاقدين واحد ويدورونه

ودك تجيب لك كرتون تايد وتحطهم فيه وتفتح لهم فتحه يتنفسون معها .. وعلى سوق الحمام سيدا تبيعهم الواحد بتسعه ونص <=== مسوين لكم عرض بعد ههههههههههه

وكله كوم واذا جاك بزر يتفل ..
تسلم عليه ... يتفل
تهاوشه ....... يتفل
تطقه ......... يتفل
يروح لامه يصيح ... ويتفل عليها
ما تخدرت براطمه ابد من التفال
بس حليت مشكلته وبديت أحط له فلفل حار .. ومن عقبها ضبطت وزنية الدينمو حقه :>
صار قبل لا يتفل يسأل .. عندك فلفل وإلا خلص ؟؟!؟

والا اذا شفت لك عيال مجتمعين على مقطع جوال مع واحد منهم واذا شافوك .. ماتشوف الا غبرتهم

واذا دخلت للبيت .. يبدا استقبال الشكاوي
اولا المبزره :
-شف هذا يطق

ثانيا الحريم :
شف فلان تراه سوا كذا وكذا .. وذاك يقعد يصيييح خايف
والا وحده من خالاتك والا خواتك والا عماتك تأكل ولدها وهو ما وده ياكل وتقوولك تعال شفه ما ياكل << وش دخلني عساه ما أكل

ذا الوقت تهيض <<<< تحس انك جلاد البيت
والابو قاعد في المجلس وجادع الشماغ
وييصارخ ... حطوووو العشااااااااء

وبعد العشاء
رز في كل مكان في البيت
حتى مخابيك تلقى فيها رز
ههههههههههههههههههههههههههههههههههههههههههههههه >>
الــلــه يــخــلــف ع الأمــهــات الــمــســاكــيــن الـلـي رايـحـيـن فـيـهـا الـلـه يـجـزاهـم الـجـنـة ع صـبرهـم فـي التـربـيـة